Не як так: выбранае | Алесь Камоцкі

“Голас барда Алеся Камоцкага хораша пачувае сябе ў міжзор’і ўдзячных сэрцаў. Філосаф па адукацыі, тонкі лірык на паслугах у роднага слова. У век усеагульнай папсы яго песні вяртаюць душу да вытокаў, натуральна гучаць беларускаму вуху, не губляюцца ў сугуччы песняў суседзяў”, — гэтыя словы-вітанні Рыгора Барадуліна, датаваныя 2004 і 2012 гг., абраныя замест прадмовы, ёмка і дакладна прадстаўляюць аўтара і выканаўцу ўласных песень, з якім Народны паэт Беларусі сябраваў шмат гадоў.

Сапраўды, усё, напісанае і праспяванае Алесем Камоцкім, аўтарскае або на вершы іншых беларускіх або замежных творцаў, кранае сэрца. У гэтай кнізе — найлепшае, што назбіралася ў творчым багажы спадара Алеся-паэта, пачынаючы з 1997 года, калі выйшаў яго зборнік “Спроба ісьці па расе”, і заканчваючы нізкай 2017 года.

Алесь Камоцкі. Паэт, музыка, перакладчык. Нарадзіўся 9.06.1958 у Барысаве. Адзін з пачынальнікаў беларускай аўтарскай песьні. Сьпявае на ўласныя вершы,а таксама У.Караткевіча, Р.Барадуліна, У.Жылкі ды інш. Як аўтар і выканаўца ўласных песень выступае з пачатку 80-х. У даробку – больш за 10 альбомаў і некалькі зборнікаў паэзіі. Дэбютны альбом “Першы сшытак” запісаны ў 1986. У якасьці саксафаніста выступаў у складзе гуртоў “Блізьняты” і “Зарціпо” (1987-1991). Аўтар песень для іншых выканаўцаў (Стэфан, З.Вайцюшкевіч, Leon Gurvich)